Aparılan monitorinqlər göstərir ki, hazırda Azərbaycanın 33 rayon və şəhərində heyvan kəsimi məntəqəsi ya mövcud deyil, ya da fəaliyyət göstərmir.
Bu barədə "Report"a Azərbaycan Qida Təhlükəsizliyi Agentliyindən (AQTA) məlumat verilib.
Bildirilib ki, əgər 2018-ci ildə respublikada cəmi 6-10 kəsim məntəqəsi mövcud idisə, hazırda bu rəqəm 84-dür.
"Standartlara cavab verən müasir heyvan kəsimi məntəqələrinin fəaliyyət göstərməsi yalnız kəsim prosesinin qanunvericiliyin tələblərinə uyğun təşkilinə deyil, həm də heyvanların identifikasiyası və izlənməsi sisteminin effektiv tətbiqinə, baytarlıq nəzarətinin gücləndirilməsinə və qanunsuz heyvan kəsimi hallarının qarşısının alınmasına imkan verən mühüm mexanizmlərdən biridir. AQTA sahibkarları kəsim məntəqəsi olmayan rayon və şəhərlərdə müasir tələblərə, baytarlıq-sanitariya və sanitariya-gigiyena normalarına cavab verən heyvan kəsimi məntəqələrinin qurulmasına və fəaliyyətinin təşkilinə dəvət edir. Agentlik bu istiqamətdə sahibkarlara lazımi metodiki, təşkilati və texniki dəstəyi göstərməyə hazırdır", - məlumatda qeyd olunub.
|
Regional Bölmənin (RB) adı |
Heyvan kəsim məntəqəsi fəaliyyət göstərməyən rayonlar |
|
Abşeron-Xızı RB |
Xızı |
|
Quba-Xaçmaz RB |
Quba |
|
Dağlıq Şirvan RB |
Ağsu, Qobustan |
|
Şirvan-Salyan RB |
Salyan, Biləsuvar, Neftçala, Şirvan |
|
Lənkəran-Astara RB |
Lerik, Yardımlı |
|
Şəki-Zaqatala RB |
Balakən, Qax, Qəbələ, Oğuz |
|
Gəncə-Daşkəsən RB |
Naftalan, Daşkəsən |
|
Qazax-Tovuz RB |
Ağstafa |
|
Mil-Muğan RB |
Saatlı |
|
Mərkəzi Aran RB |
Ucar, Mingəçevir, Zərdab, Göyçay, |
|
Qarabağ RB |
Xocavənd, Şuşa, Xocalı, Xankəndi, Ağdərə, Ağdam |
|
Şərqi Zəngəzur RB |
Qubadlı, Cəbrayıl, Kəlbəcər, Zəngilan, Laçın |
