Soyuqdəymə və qrip mövsümündə bəzi təbii məhsullar boğaz ağrısı, öskürək və ümumi halsızlıq kimi simptomların yüngülləşdirilməsinə kömək edə bilər. Bununla belə, bu qarışıqlar dərman müalicəsini əvəz etmir və yüksək hərarət, nəfəs darlığı və ya ağırlaşan əlamətlər olduqda həkimə müraciət edilməlidir.

1. Bal və sarımsaq qarışığı

Tərkibi:

• 5 xörək qaşığı bal

• 5 xörək qaşığı sürtgəcdən keçirilmiş sarımsaq

Hazırlanması və qəbulu:
Bal və sarımsağı yaxşıca qarışdırın. Qarışıqdan hər gün yatmazdan əvvəl 1 xörək qaşığı qəbul etmək olar. İstəyə görə ilıq südlə birlikdə istifadə edilə bilər.

2. Zirinc, darçın və bal qarışığı

Tərkibi:

• 3 xörək qaşığı zirinc

• 2 çay qaşığı üyüdülmüş darçın

• 100 qram bal

Hazırlanması və qəbulu:
Bütün inqrediyentləri qarışdırın. Gün ərzində 3 dəfə 1 çay qaşığı qəbul etmək olar.

Diqqət!

• 1 yaşından kiçik uşaqlara bal verilməməlidir.

• Sarımsaq bəzi qan durulaşdırıcı dərmanlarla qarşılıqlı təsir göstərə bilər.

• Bal və ya digər komponentlərə allergiyası olan şəxslər bu qarışıqlardan istifadə etməməlidir.

• Bu reseptlər dəstəkləyici xarakter daşıyır və qrip və ya digər infeksiyaların tibbi müalicəsini əvəz etmir.

Zəli ilə müalicənin tarixi bizim eradan əvvəllərə gedib çıxır. Qədim yunan əlyazmaları, tarixi şəkillər zəli terapiyasından keçmiş zamanlarda da müalicə məqsədilə istifadə edildiyini sübut edir. Zəli ilə müalicəni qanın laxtalanma qabiliyyəti çox olduğu zaman, yüksək arterial təzyiq olduqda, beyin qansızmalarında, baş ağrıları zamanı tətbiq edirlər. Bütün müalicələr kimi zəli müalicəsindən də istifadə edilən zaman ehtiyatlı olmaq lazımdır.
Zəli ilə müalicə hirudaterapiya adlanır.

Hirudaterapiya zamanı zəli xəstənin müəyyən olunmuş nahiyyələrinə qoyulur. Bu zaman zəli dəriyə sancılır. Zəli orada qaldığı zaman insanın qanını soraraq əvəzində qana hirudin ifraz edir. Hirudin zəlinin ağız suyunda olan maddədir. Hirudin qana daxil olan zaman qanda aşağıdakı dəyişikliklər baş verir:
– qanın laxtalanma qabiliyyəti azalır
– qan durulur
– qan oksigenlə zənginləşir
– tromblar əriyir
– orqanizmdəki iltihabi proseslər aradan qalxır
– immun sistemi möhkəmlənir
– infeksiya törədicilərin qarşısını alır
– ölmüş hüceyrələri bərpa edir.
Zəli lazım olan qədər qanı sorduqdan sonra şişir. Bu zaman zəlinin yapışdığı yerə duzlu su tökərək zəlini asanlıqla dəridən qopartmaq olur.
Hirudinlə müalicə ürək-damar sistemi xəstəlikləri zamanı, osteoxondrozda, ağciyər xəstəliklərində, ginekoloji xəstəliklərdə, böyrək xəstəlikləri zamanı çox faydalıdır.

Xalq təbabəti ilə müalicənin tarixi ta qədimlərə gedib çıxır. Əsasən də Qədim Şərq ölkələrində tarixi bünövrəsi qoyilmuş xalq təbabəti ilə bir çox xəstəlikləri müalicə etmək mümkün olur. 

XVIII əsrin sonlarına qədər xalq təbabəti ümumi tibbin daxilində olub. Hippokrat hətta öz əlyazmalarında meyvə şirələri ilə müalicələr barədə məqalələr yazıb. 

Xalq təbabəti termini tarixə ilk dəfə XIX əsrin ortalarında alman alimləri tərəfindən düşüb. Bu dövrə qədər xalq təbabəti ilə məşğul olanlara bilici gözü ilə baxılıb. Xalq təbabəti termini ortaya atılandan sonra isə bununla həkimlər məşğul olmağa başlayıb.

Ümumdünya Səhiyyə Təşkilatı xalq təbabəti ilə müalicəni dəstəkləyir və düzgün istiqamətləndirilmiş xalq təbabəti müalicəsinin düzgünlüyünü təsdiq edir.